Aqtaýdaǵy ushaq apaty: Prezıdent tapsyrmasymen memlekettik komıssııa quryldy

ASTANA. KAZINFORM — Qazaqstan Prezıdentiniń tapsyrmasy boıynsha Aqtaýdaǵy ushaq apatyna qatysty Memlekettik komıssııa quryldy.

Memlekettik komıssııany vıtse-premer Qanat Bozymbaev basqarady. Bizdegi aqparat boıynsha ol Aqtaýǵa bara jatyr.

Prezıdent dárigerlerdi Astanadan Aqtaýǵa jiberýdi jáne zardap shekkenderdi barlyq qajetti qoldaýmen qamtamasyz etýdi tapsyrdy.

Aıta keteıik, Aqtaýda Azerbaijan Airlines ushaǵy apatqa ushyrady.

Oqıǵa ornyna QR Tótenshe jaǵdaılar mınıstrligi jeke quramynyń 52 adamy men 11 birlik tehnıkasy bardy.

Apatqa ushyraǵan ushaq bortynda Qazaqstannyń 6 azamaty boldy.

QR Kólik mınıstrligi málim etkendeı, Ázerbaıjan tarapynyń aldyn ala aqparaty boıynsha, bortta 62 jolaýshy men 5 ekıpaj múshesi bolǵan.