Aqtaýdaǵy ushaq apaty: Ilham Álıev Reseıge barmaıtyn boldy
ASTANA. KAZINFORM – Ázerbaıjan prezıdenti Ilham Álıev Reseı Federatsııasynyń prezıdenti Vladımır Pýtınge telefon soqty, dep habarlaıdy Kazinform Trend-ke silteme jasap.
Prezıdent Ilham Álıev telefon arqyly sóılesý barysynda AZAL jolaýshylar ushaǵynyń Aqtaýda apatqa ushyraýyna baılanysty Sankt-Peterbýrgte ótetin TMD-ǵa múshe memleketter basshylarynyń beıresmı sammıtine qatysa almaıtynyn aıtty.
Eske sala ketsek, Baký- Groznyı J2-8243 nómirli reısin oryndaǵan Embraer 190 ushaǵy Aqtaý qalasynan 3 shaqyrym jerde apatty jaǵdaıda qondy.
Oqıǵa ornyna QR Tótenshe jaǵdaılar mınıstrligi jeke quramynyń 52 adamy men 11 birlik tehnıkasy bardy.
Apatqa ushyraǵan ushaq bortynda Qazaqstannyń 6 azamaty boldy.
QR Kólik mınıstrligi málim etkendeı, Ázerbaıjan tarapynyń aldyn ala aqparaty boıynsha, bortta 62 jolaýshy men 5 ekıpaj múshesi bolǵan.
QR Prezıdentiniń tapsyrmasymen Memlekettik komıssııa quryldy.
Mańǵystaý oblysynyń Densaýlyq saqtaý basqarmasy Aqtaýda Baký-Groznyı reısinde bolǵan ushaq apatynan zardap shekkender týraly aqparatty jańartty.