Aqtaýdaǵy ushaq apaty: Ilham Álıev kóńil aıtty
ASTANA. KAZINFORM – Ázerbaıjan prezıdenti Ilham Álıev Aqtaýdaǵy ushaq apaty saldarynan qaza tapqandardyń týystary men jaqyndaryna kóńil aıtty, dep habarlaıdy Kazinform.
Kóńil aıtý prezıdent Ilham Álıevtiń X áleýmettik jelidegi resmı paraqshasynda jarııalandy.
Buǵan deıin Sheshenstan Respýblıkasynyń basshysy Ramzan Kadyrov Aqtaý túbinde bolǵan ushaq apatynan qaza tapqandardyń týystaryna kóńil aıtty.
Eske sala ketsek, Baký- Groznyı J2-8243 nómirli reısin oryndaǵan Embraer 190 ushaǵy Aqtaý qalasynan 3 shaqyrym jerde apatty jaǵdaıda qondy.
Oqıǵa ornyna QR Tótenshe jaǵdaılar mınıstrligi jeke quramynyń 52 adamy men 11 birlik tehnıkasy bardy.
Apatqa ushyraǵan ushaq bortynda Qazaqstannyń 6 azamaty boldy.
QR Kólik mınıstrligi málim etkendeı, Ázerbaıjan tarapynyń aldyn ala aqparaty boıynsha, bortta 62 jolaýshy men 5 ekıpaj múshesi bolǵan.
QR Prezıdentiniń tapsyrmasymen Memlekettik komıssııa quryldy.
Mańǵystaý oblysynyń densaýlyq saqtaý basqarmasy Aqtaýda Baký-Groznyı reısinde bolǵan ushaq apatynan zardap shekkender týraly aqparatty jańartty.