Aqtaýdaǵy medıtsınalyq klınıka 287 jumyskerge jalaqylaryn tólemegen
Aqtaýdaǵy «Senim» medıtsınalyq klınıkasy» JShS-niń eńbek zańnamasyn buzý derekteri anyqtaldy, dep habarlaıdy Kazinform Mańǵystaý oblysy prokýratýrasynyń baspasóz qyzmetine silteme jasap.
Aǵymdaǵy jyldyń eki aıynda 287 jumyskerge 76 mln teńgeden astam jalaqylary tólenbegen.
Qala prokýratýrasymen memlekettik eńbek ınspektsııasy basqarmasyna zańdylyqtyń buzylýyn joıý týraly usyný engizilgen.
Qadaǵalaý aktisin qaraý nátıjesimen jumys berýshi Ákimshilik quqyq buzýshylyq týraly Qazaqstan Respýblıkasy kodeksiniń 87 baby 1 bóligimen ákimshilik jaýaptylyqqa tartylyp, oǵan 100 AEK mólsherinde aıyppul jazasy taǵaıyndalǵan.
Jalaqy boıynsha bereshek tolyqtaı ótelip, jumyskerlerdiń konstıtýtsııalyq quqyqtary qalpyna keltirilgen.
Azamattardyń eńbek quqyqtarynyń saqtalýy Mańǵystaý oblysy prokýratýra organdarynyń baqylaýynda.
