Aqtaýdaǵy avtogaz kezegine qatysty ákimdik túsinikteme berdi
ASTANA. KAZINFORM – Aqtaýda áleýmettik jelilerde avtogaz quıý beketterindegi kezekke qatysty beınejazbalar taraǵannan keıin qala ákimdigi suıytylǵan munaı gazymen qamtamasyz etý jaǵdaıyna túsinikteme berdi.
Ákimdiktiń málimetinshe, 2026 jylǵy 19 shildedegi jaǵdaı boıynsha qalada 32 avtogaz quıý stansasy jumys istep tur. Barlyq bekette suıytylǵan munaı gazynyń bólshek saýdadaǵy baǵasy lıtrine 72 teńgeni quraıdy.
– Jergilikti ákimdiktiń monıtorıngine sáıkes, avtogaz quıý stansalaryndaǵy jaǵdaı turaqty. Qala syrtyndaǵy beketterde orta eseppen 3-ten 15-ke deıin avtokólik kezekte tursa, keıbir avtogaz quıý stansalarynda kezek múlde joq, – dep habarlady ákimdikten.
Ákimdik avtogazben qamtamasyz etý máselesi turaqty baqylaýda ekenin atap ótti.
Turǵyndarǵa tek resmı aqparat kózderine súıený usynyldy.
Aıta keteıik, buǵan deıin jyl basynan beri Qazaqstannan janarmaıdy zańsyz alyp shyǵýdyń 600-ge jýyq áreketiniń joly kesilgeni habarlanǵan bolatyn.
