Aqtaýdaǵy áýejaıda jaraqat alǵan búldirshinge 2 mln teńge ótemaqy tólenedi
ASTANA. KAZINFORM — Oqys oqıǵa 2024 jyldyń jazynda bolǵan. Elorda turǵyny kámeletke tolmaǵan eki balasymen Astanadan Aqtaýǵa ushyp barǵan, dep habarlaıdy Mańǵystaý oblystyq sotynyń baspasóz qyzmeti.
Jolaýshylar termınalynan shyqqannan keıin eki jasar qyz áýejaıǵa jalǵyz ózi oralyp, eskalator mehanızmine qolyn qoıyp, saýsaǵyn jaraqattap alǵan. Qyz aýrýhanada emdelip, dárigerlerdiń qorytyndysy boıynsha, 10 jasqa tolǵanda saýsaqty túzetý otasy qajet bolady.
Jábirlenýshiniń anasy áýejaıdan moraldyq shyǵyndy óteýdi talap etip, sotqa júgindi. Áýejaı ókili jazataıym oqıǵanyń qyzmetkerlerdiń kinásinen emes, balanyń ózi eskalatorǵa jaqyndap, jaraqat alýynan bolǵanyn aıtty. Biraq sot protsesinde beınematerıaldar áýejaı ınspektorynyń balanyń qolyn ustap, ony bosatyp jibergenin kórsetken. Inspektordyń balany qaraýsyz qaldyrýy saldarynan qyz bala eskalatorda jaraqat alǵan.
— Sot áýejaı qyzmetkeriniń áreketinen jazataıym bolǵanyn anyqtap, áýejaıdy moraldyq shyǵyn retinde 2 mln teńge tóleýge mindettedi. Bul sheshim zańdy kúshine endi, — delingen sot sheshiminde.
Budan buryn Almaty áýejaıynda 33 telefon urlaǵan júk bóliminiń qyzmetkeri sottalǵany anyqtaldy.