Aqtaýdaǵy apattyń mán-jaıy ushaqtyń qırandysy arqyly anyqtalady

AQTAÝ. KAZINFORM — Aqtaý mańyndaǵy apatqa ushyraǵan ushaqtyń qaldyǵyn qaıda jiberedi? Bul saýalǵa Úkimet basshysynyń orynbasary Qanat Bozymbaev jaýap berdi.

— Apattyń hronologııasy men onyń aınalasyndaǵy daý-damaıdy anyqtaý úshin qırandy qaldyqpen jumys isteledi. Onyń ishinde, ushaqtyń ne sebepten apatqa ushyraǵanyn bilý úshin Embraer áýe kompanııasymen jumys isteýimiz kerek, — dedi Qanat Bozymbaev baspasóz máslıhatynda.

Sonymen qatar Úkimet basshysynyń orynbasary oqıǵa ornyna BAQ ókilderiniń barýyna ne úshin tyıym salynǵanyn túsindirdi.

— Búgin oqıǵa ornynda bolyp, eshkimniń júrmeýin ótindim. Sebebi, jedel tergeý áreketteri júrgizilýi kerek. Kishkentaı jaıt dálel bolýy múmkin, — deıdi vıtse-premer.

Aıta keteıik, atalǵan áýe apatynan zardap shekkenderge jan-jaqty kómek kórsetiledi. Ol boıynsha qaıda habarlasý kerektigin siltemege ótip bile alasyz. 

Ókinishke qaraı, elimizdiń Kólik mınıstri Marat Qarabaev ushaq bortynda bolǵan barlyq qazaqstandyq mert bolǵanyn habarlady. 

Óz kezeginde, ázerbaıjan tilshisi qazaq halqynyń qıyn sáttegi kómegine alǵysyn aıtty.