Aqtaýda zorlanǵan 6 jasar qyzdy emdeýge Kembrıdj dárigerleri tartyldy
ASTANA. QazAqparat - Aqtaýda zorlanǵan 6 jasar qyzdy emdeýge Kembrıdj dárigerleri tartyldy. Bul týraly búgin «QazAqparat» tilshisine Astanadaǵy Ana men bala ortalyǵynyń baspasóz hatshysy Danııar Meńilbekov málim etti.
Aıta keteıik, 27 tamyzda alty jasar qyz Mańǵystaý oblystyq balalar aýrýhanasynan sanavıatsııamen Astanaǵa jetkizilgen bolatyn.
«Qazirgi ýaqytta onyń jaǵdaıy aýyr halde. Jansaqtaý bóliminde jatyr. Telemedıtsına arqyly Kembrıdj dárigerlerinen keńes aldyq, jergilikti dárigerlermen birge talqylandy. Zaqym mıǵa kelgen», - dep atap ótti ol.
Buryn habarlaǵanymyzdaı, Aqtaý polıtseıleri 6 jasar qyzdy zorlaýǵa qatysty kúdiktini ustady. Kúdikti Aqtaý qalasynyń turǵyny, 1984 jyly týǵan, buryn sottalmaǵan. Kúdikti óziniń aıybyn moıyndady.
Eske salsaq, 20 tamyzda «Ivanych» dúkeniniń mańynda alty jasar qyz joǵalyp ketti. Birneshe saǵattan keıin polıtseıler balany óndiristik aımaq aýdanynan tapty. Qyz bala oblystyq balalar aýrýhanasyna jatqyzyldy, oǵan ystyq ótken jáne denesinde kóptegen jaraqat bar. Dárigerler zorlaý faktisin qýattady, QR QK 120-babymen qylmystyq is qozǵaldy.
