Aqtaýda zorlanǵan 6 jasar qyz áli komadan shyqqan joq - Balıeva
ASTANA. QazAqparat - Aqtaý qalasynda zorlanǵan 6 jasar Vıktorııa áli kúnge deıin esin jıǵan joq. Qazirgi kezde eki ájesi onyń janyna shyqpaı júr, dep xabarlaıdy QazAqparat tilshisi.
"Onyń jaǵdaıy asa aýyr. Dárigerler qolda baryn jasap jatyr. Bas kezinde ony eshqaıda tasymaldaı almady. Al jaǵdaıy sál jaqsarǵan kezde birden Astanadaǵy ana men bala ortalyǵyna jetkizdi. Kishkentaı Vıktorııany qutqarýǵa otandyq dárigerler atsalysýda. Sheteldiń kásibı mamandary da shaqyryldy. Alaıda ol áli kúnge deıin komadan shyqqan joq", - dedi Balalar quqyqtary jónindegi ýákil Zaǵıpa Balıeva balalardy zorlaý máselesine arnalǵan búgingi jıynda.
Onyń aıtýynsha, kishkentaı qyzdyń komada uzaq ýaqyt jatqanyna qaramastan, evtonazııa týraly eshqandaı áńgime bolyp jatqan joq. Ol úshin zańnamalyq normalar da qarastyrylmaǵan.
Aıta keteıik, tamyzdyń 20-sy kúni Aqtaý qalasynda pedofıl 6 jasar Vıktorııany zorlap, qamystyń arasyna laqtyryp ketken. Qylmysker ony óltirip tastadym dep oılaǵan.
Dárigerlerdiń sózine qaraǵanda, kishkentaı Vıkanyń jaǵdaıy aýyr. Mıyna aýa uzaq ýaqyt barmaǵannan keıin atalǵan organ jumys istemeı qalǵan. Qazirgi kezde Astana qalasynyń ákimdigi Vıktorııanyń eki ájesine páter jaldap, nemeresiniń janynda bolýyna barlyq jaǵdaıdy jasap berip jatyr.
