Aqtaýda zııankestermen kúreske 21 mln teńge jumsalady
AQTAÝ. QazAqparat - Aqtaýda zııankestermen kúres júrgizýge baǵyttalǵan jas kóshetterge dári-dármek sebý naýqany jalǵasýda. Qazir qaladaǵy 1-10 shaǵyn aýdandardyń tómengi aımaǵyna dári-dármekter sebildi, dep habarlaıdy «QazAqparat» HAA tilshisi.
«Zııankesterge qarsy dári-dármek sebý jumystary sáýir aıynyń basynda bastaldy. Bul naýqanda tek qabyq qurttarmen ǵana emes, sondaı-aq qurttarmen, balańqurttarmen, qońyzdarmen kúres júrgizilýde. Kóshetterdiń túbine dári-dármekter sebildi, endi joǵarǵy jaǵy qaldy. Úsh adamnan 2 brıgada, barlyǵy 6 adam jumys istep jatyr. Aýa raıynyń qolaısyzdyǵy saldarynan - jańbyr jaýǵan jáne jel turǵan kúnderi olar jumys istemeýge májbúr, kesteden qalyp jatyrmyz. Bul jumys shamamen taǵy bir aıǵa jalǵasady», - dedi «Qala joldary» JShS basshysynyń orynbasary Abaı Qojabaev.
Dári-dármek sebýge bir jylǵa barlyǵy 21 mln teńge jumsalǵan.
