Aqtaýda jyly jaǵajaı abattandyryldy
AQTAÝ. QazAqparat - Aqtaýda jurt «Jyly» dep atap ketken demalys bazasynda jaǵajaıdy qalalyq bılik jańa shomylý maýsymyna daıyndap, tazalaýda, dep habarlady «QazAqparat» HAA tilshisi.
«Jyly» jaǵajaıy qaraýsyz bolatyn. Jaǵaǵa jetý úshin ondaǵan metr tikenekti jyradan ótý qajet bolǵan. Jaǵajaı esh ýaqytta abattandyrylmaǵan, bul jumys bıyl sáýirdiń basynda alǵash ret qolǵa alyndy.
Jumysty «Qala joldary» JShS kommýnaldyq uıymynyń kúshi júrgizýde. Eki býldozer aýmaqty tegistep jatyr.
«Qalalyqtar osy jaǵajaıda demalǵandy unatady, sondyqtan da olarǵa jaıly bolǵanyn qaladyq. Buryn qumnyń ornynda jaı topyraq bolǵan. «Qala joldary» tehnıkasy men qyzmetkerleri jeke qarajaty esebinen jumys isteýde. Bul sharaǵa arnaıy qarajat bólinbegen. Jaǵanyń uzyndyǵy 2.5 shaqyrym. Jumys 15 mamyrda aıaqtalady», - dedi Aqtaý qalasy ákiminiń orynbasary Úrken Bısaqov.
