Aqtaýda jylý jelisi apatyna qarsy oqý-jattyǵý ótti
AQTAÝ. QazAqparat - Mańǵystaý oblysynda respýblıkalyq komandalyq-shtabtyq jattyǵý aıasynda júrgizilgen avarııaǵa qarsy jattyǵý ótti, onda oblystyń memlekettik kommýnaldyq jáne avarııalyq qyzmeti sýyq aýa raıynda Aqtaý qalasynyń 3 shaǵyn aýdanynda tórt úıdiń jylýsyz qalýyna sebep bolǵan isten shyqqan jylý jelilerin 3 saǵatta jóndep shyqty.
Jattyǵý ornyna 6 tehnıka (ekskavator, kran, assenızator jáne t.b.), shuǵyl jóndeý komandasy, oblystyń ETKShB «Kaspıı jylý, sý arnasy» MQK, Aqtaý qalasy TJB qyzmetkerleri tartyldy.
«Taktıkalyq máni boıynsha basshyǵa 9.30-da №3 shaǵyn aýdandaǵy úıde jylý júıesi buzylǵany týraly ótinim túsedi. Artynsha jumystyń kúrdeliligin aıqyndaý úshin TJ mamandary oqıǵa ornyna barady. Jylý júıesindegi apat saldarynan 4 úı jylýsyz qalǵany anyqtaldy. Jedel top jóndeý jumystaryn júrgizý úshin jylýdy ajyratýǵa kirisedi.
Tutastaı, jóndeý jumystaryna 3 saǵat ketti, jóndep bolǵan soń jylýmen jabdyqtaý júıesi iske qosylyp, úılerge jylý jiberildi», - dedi TJB bastyǵy, azamattyq qorǵanys podpolkovnıgi Almaz Ysqaqov.
Jattyǵý barysynda jospar boıynsha qarastyrylǵan ýchaskeni abattandyrý máselesi pysyqtaldy.
