Aqtaýda júk kólikteri ıelerine 500 myń teńgege jýyq aıyppul salyndy
AQTAÝ. QazAqparat - «Júk avtokóligi» jedel-profılaktıkalyq sharasy aıasynda ótken reıdte jol erejesin buzǵan júrgizýshilerge jarty mıllıon teńgege jýyq aıyppul salynyp, ákimshilik hattama toltyrylǵan,-dep habarlaıdy QazAqparat tilshisi MO ІІD baspasóz qyzmetine silteme jasap.
Іs-shara barysynda barlyǵy 38 ákimshilik hattama toltyrylyp, 5 avtokóliktiń memlekettik belgileri tárkilengen.
Sondaı-aq, 38 quqyq buzýshynyń 7-eýiniń kóligi «Gatın», «Tsement-Beton», «Batys-Snab», «TasbolatMunaıGaz», «Aqtaý Temir Beton», «Ýndýz» JShS-ge tıisti ekeni anyqtalǵan. Sonymen qatar, 31-i jeke tulǵalarǵa tıisti bolǵan.
Júrgizýshilerge QR Ákimshilik Kodeksiniń 591-baby, 593-baby, 595-baby, 596-baby, 601-baby, 602-baby, 612-baby boıynsha hattama toltyrylǵan.
Jalpy, qala kóleminde 63 júk avtokóligi toqtatylǵan.
