Aqtaýda jolǵa belgi salyp júrgen azamatty kólik qaǵyp, mert qyldy

AQTAÝ. QazAqparat- Aqtaýda jolǵa belgi salyp júrgen «Qala joldary» mekemesiniń jumysshysyn kólik qaǵyp, mert qyldy, dep habarlaıdy QazAqparat tilshisi.

«Oqıǵa 25 maýsymda saǵat 22:30 shamasynda bolǵan edi. 29 «a» shaǵynaýdanynda jolǵa belgi qoıyp júrgen azamatty «Toyota Alphard» kóliginiń júrgizýshisi qaǵyp ketken. Er adam aýrýhanaǵa óte aýyr halde jetkizilgen edi. Ol jansaqtaý bóliminde kóz jumdy» - dedi Mańǵystaý oblystyq aýrýhanasynyń baspasóz qyzmeti.

Qaıtys bolǵan adam 1960 jyly týǵan. Oǵan dárigerler ashyq bas súıek jaraqaty, bas súıeginiń jarylýy, mıdyń aýyr jaraqaty, oń jaq ýaqytsha aımaqtyń epıdýraldy qan ketýi, sýbarahnoıdty qan ketý, bet súıekteriniń birneshe jerden synýy, joǵarǵy jaqtyń synýy, muryn súıekteri, sol jaq gýmerýstyń synýy, keýde qýysynyń jabyq jaraqaty, sol jaqtaǵy eki qabyrǵanyń jabyq synýy dıagnozyn qoıǵan edi.