Aqtaýda joldan ótip bara jatqan balany qaqqan júrgizýshi oqıǵa ornynan qashyp ketti
Oqys oqıǵa týraly zardap shekken balanyń anasy aıtyp berdi. Zardap shekken aqtaýlyq búldirshin 8 jasta. Baǵıla Nazymovanyń aıtýynsha, oqıǵa 11 qazanda, saǵat 08:40 shamasynda 13 shaǵynaýdannyń 12 jáne 14 úıdiń janynda ornalasqan «Jastar» bıznes ortalyǵynyń janynda bolǵan.
«Biz jaıaý júrginshilerge arnalǵan joldy kesip óttik. Ulym meniń qolymnan ustap turdy. Sodan keıin ol eki sekýnd ishinde qolyn bosatyp, eńkeıe bergende kólik kelip soqty. Men júrgizýshi qyzdy kórdim. Men oǵan «Siz qaıda bara jatsyz» dep edim, oqıǵa ornynan taıyp turdy», - dedi Baǵıla Nazmova.
Oqıǵadan keıin anasy balasyn travmatologqa aparǵan.
«Olar aıaǵyn túsirgende eshteńe tappady. Biraq dárigerler ulymnyń birneshe kún aýyrýy múmkin ekenin eskertti. Keshke qaraı balanyń jambasy aýyra bastady», - dedi ol.
Jábirlenýshiniń anasy polıtsııaǵa aryz bergen. Onyń aıtýynsha, balasyn kólikpen qaqqan áıel sur tústi jol talǵamaıtyn kólikti basqarǵan.