Aqtaýda jolaýshylar avtobýsy órtendi

AQTAÝ. QazAqparat - Aqtaýda jolaýshylar avtobýsy órtke orandy. PAZ markaly jolaýshylar kóligi 16-shaǵynaýdanda janyp ketti, dep habarlaıdy QazAqparat tilshisi.

Zardap shekkender joq. Kólikte tek júrgizýshi ǵana bolǵan. Ol órt bastalmaı turyp avtobýstan túsip úlgergen. Órt sóndirýge eki tehnıka men 8 adam jumyldyryldy.

Jalpy, qalada jyl bastalǵaly beri 40 órt oqıǵasy tirkelip otyr. Onyń 15-i - turǵyn úıde, 11-i - avtokólikte, qalǵandary túrli jaǵdaılarda oryn alǵan.

«Órttiń tutaný sebebi anyqtaldy. Saraptama jumystarynyń nusqaýy boıynsha, oǵan elektr symynyń qysqasha tuıyqtalýy sebep bolǵan. Ony kólik ıesi de rastap otyr. Kólik júrip kele jatqanda sym ushqyndaǵan, sonyń arty órtke ulasqan»,-deıdi Aqtaý qalalyq tótenshe jaǵdaılar bóliminiń aǵa ınjeneri Jasulan Aınabek.

Foto: CC0 / pixabay.com/imramugh