Aqtaýda jolaýshylar avtobýsy men birneshe kólik soqtyǵysty (FOTO, VIDEO)
ASTANA. QazAqparat - Búgin Aqtaýda Mańǵyshlaq stansasyndaǵy jol qıylysynda tańerteńgi saǵat 9-dar shamasynda tórt kólik soqtyǵysqan jol apaty oryn aldy.
lada.kz habarlaǵandaı, KIA Rio, VAZ-2106, VAZ-21099 markaly tórt kólik pen №105 PAZ avtobýsy soqtyǵysty. Avtobýs jolaýshylarmen marshrýt boıynsha kele jatqan. Kýágerlerdiń aıtýynsha, VAZ-21099 júrgizýshisi júrip kele jatqan avtobýs pen KIA Rio jeńil kóliginiń jolyn kesken.
Apat ornyna polıtsııa qyzmetkerleri men medıtsınalyq kómek keldi. Zardap shekkender joq. Polıtsııa qyzmetkerleri oqıǵa ornynda jaýap berýden bas tartty.
Oqıǵanyń mán-jaıyn tergeý bóliminiń qyzmetkerleri anyqtaıdy.
