Aqtaýda jol talǵamaıtyn kólik aýdaryldy

NUR-SULTAN. QazAqparat - Chevrolet Niva júrgizýshisi bordıýrge soqtyǵysyp, sonyń saldarynan mashına bir búıirimen aýdarylyp qalǵan. Oqıǵanyń mán-jaıyn Mańǵystaý oblystyq polıtsııa departamentiniń baspasóz qyzmeti málimdegen, dep habarlaıdy lada.kz saıty.

Jol-kólik oqıǵasy 3 tamyz kúni kúndiz 2 jáne 6 shaǵyn aýdandar aralyǵynda tasjolda bolǵan.

Jol apaty bolǵan jerge polıtsııa aǵa serjanttary Jeńis Ospanov pen Ashat Shalǵymbaev bardy. Olar apat kýágerlerimen birge Chevrolet Niva júrgizýshisine kómektesken.

Vedomstvonyń deregi boıynsha, kólikte tek júrgizýshi ǵana bolǵan. Ol jeńil jaraqat alǵan.

Er adam róldi basqara almaı qalǵany anyqtaldy. Ol mas bolmaǵan.

Jol talǵamaıtyn kólik júrgizýshisine qatysty QR Ákimshilik kodeksiniń 610-baby 1-bóligi «Kólik quraldary júrgizýshileriniń jol júrisi qaǵıdalaryn adamdardyń densaýlyǵyna zııan keltirýge, kólik quraldarynyń nemese ózge de múliktiń búlinýine alyp kelgen zańbuzýshylyǵy» boıynsha hattama toltyryldy. Oǵan 20 aılyq eseptik kórsetkish kóleminde (50500 teńge) aıyppul salynady nemese 6 aıǵa júrgizýshi kýáliginen aıyrady. Іs materıaldary Aqtaý qalalyq mamandandyrylǵan ákimshilik sotyna jiberildi.

Er adam zaqymdalǵan jıektasty óz esebinen qalpyna keltiredi.