Aqtaýda jol erejesin buzǵan bloger jaýapqa tartyldy
Aqtaýda tanymal bloger jol erejesin buzǵany úshin jaýapqa tartyldy. Ol kólik quralyn basqarý kezinde qaýipsizdik beldigin taqpaǵan. Sondaı-aq balasyn arnaıy oryndyqqa otyrǵyzbaǵan, dep habarlaıdy Kazinform.
- Áleýmettik jelilerge monıtorıng júrgizý barysynda “Lexus NX200” markaly avtokóligimen oryn alǵan quqyq buzýshylyq týraly beınerolık jarııalandy. Belgili bolǵandaı, júrgizýshi kólik quralyn qaýipsizdik beldigin taqpaǵan kúıde basqarǵan. Sondaı-aq avtokólik salonynda balalarǵa arnalǵan arnaıy oryndyq qarastyrylmaǵandyǵy anyqtaldy, - dep málim etti Mańǵystaý oblystyq Polıtsııa departamentiniń baspasóz qyzmetinen.
Patrýldik polıtsııa batalony qyzmetkerleri 27 jastaǵy azamatshanyń jeke basyn anyqtap, oǵan qatysty QR Ákimshilik quqyq buzýshylyq týraly kodekstiń 593-baby 2-bóligi boıynsha ákimshilik hattama jasaqtaǵan.
