Aqtaýda jol kólik apatyna túsken oqýshylardyń biriniń jaǵdaıy turaqtaldy

AQTAÝ. KAZINFORM – Mańǵystaý oblystyq densaýlyq saqtaý basqarmasy baspasóz qyzmetiniń habarlaýynsha, 11 jastaǵy jasóspirimniń jaǵdaıy jaqsy. Esin biledi. Ózdiginen damalady. Ózi as-sýyn iship otyr. Sondyqtan ony jansaqtaý bóliminen travmatologııa bólimshesine aýystyrý josparda. Al, 12 jastaǵy ekinshi jetkinshektiń jaǵdaıy aýyr.

— 2013-jyly týǵan balanyń jaǵdaıy óte aýyr. Komada jatyr. Ókpeni jasandy jeldetý apparatyna qosylǵan. Geodınamıka turaqsyz. Vazapressorlyq qoldaý kórsetilip jatyr, — delingen habarlamada. 

Eske sala keteıik, osydan 5 kún buryn Aqtaýda eki jasóspirimdi kólik qaǵyp ketti. Oqýshylar jaıaý júrginshi jolaǵy arqyly ótip bara jatqan bolatyn.

Osy jaǵdaıdan keıin, oqıǵa bolǵan jerge kólik jyldamdyǵyn baıaýlatatyn jasandy jol kedergisi ornatyldy.