Aqtaýda jol-kólik apatynan 2 adam zardap shekti

AQTAÝ. QazAqparat – Aqtaý qalasynda patrýldik polıtsııa kóligi jeńil kólikpen soqtyǵysyp, 2 adam zardap shekti, dep habarlaıdy QazAqparat tilshisi Mańǵystaý oblystyq polıtsııa departamentiniń baspasóz qyzmetine silteme jasap.

«30 sáýir kúni saǵat 02.30-da Aqtaý qalasynyń 5 jáne 8 shaǵyn aýdandarynyń qıylysynda patrýldik polıtsııa avtokóligi men «Hyundai Accent» markaly avtokóliginiń qatysýymen jol-kólik oqıǵasy boldy. Onyń saldarynan 2 adam zardap shegip, oblystyq aýrýhanaǵa jetkizildi. Medıtsınalyq kómek kórsetilgennen keıin biri úıine jiberildi, ekinshisi aýrýhanaǵa jatqyzyldy», - delingen habarlamada.

Qazir atalǵan fakti boıynsha QR QK 345-babyna sáıkes sotqa deıingi tergeý amaly júrip jatyr.

«Avtotehnıkalyq saraptama taǵaıyndaldy. Ózge aqparat tergeý múddesine saı jarııa etilmeıdi», - deıdi vedomstvodan.