Aqtaýda jol erejesin óreskel buzǵan toı korteji vıdeoǵa túsip qaldy
Toı kortejindegi kólik júrgizýshilerine ákimshilik hattama toltyrylǵan. Bul jóninde Mańǵystaý oblystyq polıtsııa departamentiniń baspasóz qyzmeti málimet taratty.
27 tamyz kúni Aqtaý kóshelerinde ary-beri oıqastaǵan kortejde barlyǵy 6 kólik bolǵan. Olar keshki ýaqytta 19 jáne 30-shaǵynaýdan arasynda «Mıraj-8» patrýl ekıpajynyń kózine túsken.
Avtokólik júrgizýshileri memlekettik nómir taqpaı, qujatsyz júrgen. Zańsyz manevr jasap, al kólik ishindegi júrgizýshiler men jolaýshylar qaýipsizdik belbeýin taqpaǵan. Keıbireýleri kóliktiń terezesinen denesin shyǵarǵan.
Barlyq kólik toqtatylyp, olarǵa tıisti hattama toltyryldy. Mashınalar aıyp turaǵyna qoıyldy. Sonymen birge, belbeý taqpaǵan jolaýshylar da aıyppul tóleıdi.
Jol erejesin óreskel buzǵan 18-20 jas aralyǵyndaǵy jastarmen profılaktıkalyq áńgime júrgizilgen.