Aqtaýda jol erejesin buzǵan polıtseı aıyppulmen qutyldy
AQTAÝ. QazAqparat - Aqtaýda jol erejesin buzyp, tike baǵytqa shyqqan polıtseıge aıyppul salyndy. Onyń óreskel áreketin kezdeısoq kýáger beınetaspaǵa túsirip, áleýmettik jelige júktegen, dep habarlaıdy QazAqparat.
MO ІІD baspasóz qyzmetiniń habarlaýynsha, polıtseıdiń jeke basy anyqtalǵan. Ol jol-patrýldik polıtsııa batalonynyń qyzmetkeri bolyp shyqty. Tal túste kózge túsken jol saqshysyna qatysty QR Ákimshilik quqyq buzýshylyq týraly kodeksiniń 601 bap 1 bólimi boıynsha hattama toltyrylǵan. «Jol belgilerimen nemese joldyń júrý bóligindegi tańbalarmen kórsetilgen talaptardy saqtamaý» baby boıynsha endi ol 3 aılyq eseptik kórsetkish mólsherinde aıyppul tóleıdi.
Beınetaspa avtory polıtseıdi baǵdarshamǵa toqtap turǵan kezde túsirip alǵan. Aıtýynsha, 6-8 shaǵynaýdandaǵy joldyń burylatyn bóliginde turǵan tártip saqshysy burylmastan tike baǵytqa shyǵyp ketken.
