Aqtaýda jol boıynda qolyna pyshaq ala júgirip janjaldasqandar ustaldy

AQTAÝ. QazAqparat – Aqtaýda qalasynda jol boıynda janjal shyǵarǵandar ustaldy. Bul týraly Mańǵystaýlyq oblystyq Polıtsııa departamentiniń baspasóz qyzmetinen málim etti, dep habarlaıdy QazAqparat tilshisi.

Oqıǵa «Serebrıannye peskı» demalys orny mańyndaǵy jol boıynda bolǵan.

«31 shildede saǵat 03:30 shamasynda demalýshylar men osy demalys ornynyń kúzetshisi sózge kelip, sońy tóbeleske ulasqan. Polıtsııa qyzmetkerleri 42 jáne 34 jastaǵy kúdiktilerdi anyqtap, ustady. Atalǵan fakti boıynsha QR Qylmystyq kodeksiniń 293-baby 2-bóligi boıynsha sotqa deıingi tergeý bastaldy», - delingen habarlamada.

Janjaldasqandardyń biri artyna pyshaq jasyryp, eki qarsylasyna qaraı júgirgeni áleýmettik jelide taraǵan vıdeoda anyq kóringen. Sondaı-aq olardy ajyratýǵa talpynǵan áıel de anyqtaldy.

Aıta keteıik, kúdiktilerge qatysty «eshqaıda ketpeý týraly qolhat» bultartpaý sharasy qoldanylǵan. Tergeý amaldary júrgizilip jatyr.