Aqtaýda jol apatynan 5 adam zardap shekti
AQTAÝ. QazAqparat - Aqtaý qalasynyń 30-shy shaǵynaýdanynda eki mashına soqtyǵysyp, saldarynan Toýota Land Cruiser 200 kóligi jol shetinde aýdarylyp qaldy, dep habarlaıdy QazAqparat.
Jol-kólik oqıǵasy saldarynan 5 adam zardap shekti. Onyń bireýi kishkentaı bala.
«Apattan zardap shekken bes adam oblystyq aýrýhanaǵa jetkizildi. Ekeýi dárigerlerdiń tekserýinen soń úılerine jiberildi. Zardap shekkenderdiń deni jabyq mı jaraqatyn alǵan. Qazir jol-kólik oqıǵasynyń sebep-saldaryn anyqtaý jumystary júrip jatyr»,- dep málim etti MO Polıtsııa departamentiniń baspasóz qyzmetinen.
Eki kólik te aıypturaǵyna qoıyldy.
