Aqtaýda joǵary qabattan sekirmek bolǵan qyz bala izdestirilip jatyr
AQTAÝ. KAZINFORM - Aqtaýda kópqabatty úıdiń joǵary bóliginen sekirmek bolǵan qyz balany polıtseıler izdestirip jatyr. Bul týraly Mańǵystaý oblystyq polıtsııa deparatmentiniń mamandary málimdedi.
Belgili bolǵan aqparat boıynsha, áleýmettik jelige monıtorıng jasaý kezinde qaladaǵy 32b shaǵynaýdanynda áıel adamnyń sýıtsıd jasamaq bolǵany anyqtaldy.
«20 jastaǵy qyz bala kópqabatty úıdiń terezesinen sekirmek boldy. Osydan keıin ol úıden belgisiz baǵytqa shyǵyp ketken. Qazirgi ýaqytta polıtsııa atalǵan is boıynsha izdeý jumystaryn júrgizip jatyr», - dedi Mańǵystaý oblystyq PD baspasóz qyzmetindegiler.
Buǵan deıin Aqtaýda shaǵyn aýdandardyń birindegi kópqabatty úıden qulaǵan er adam oqıǵa ornynda jan tapsyrǵan bolatyn.
Qaıǵyly oqıǵaǵa qatysty polıtsııa ózin ózi óltirýge deıin jetkizý deregi negizinde sotqa deıingi tergeý jumysyna kiriskenin málimdegen edi.
Sondaı-aq, ótken aptada patrýldik polıtsııa qyzmetkerleri mingen kólik apatqa ushyrap, aýdarylyp qaldy.
Jol-kólik oqıǵasynan keıin polıtsııa qyzmetkeri oblystyq aýrýhanaǵa jetkizilip, alǵashqy kómek kórsetilgen soń úıine jiberildi. Keıin bul oqıǵaǵa kináliler ákimshilik jaýapkershilikke tartyldy.
