Aqtaýda joǵalyp ketken áje tabyldy
AQTAÝ. QazAqparat - Aqtaýda joǵalyp ketken áje tabyldy, dep xabarlaıdy QazAqparat tilshisi.
Keıýana túngi saǵat 11-ler shamasynda «Beket ata» meshiti aldynan tabylǵan. Bul týraly tilshige ájeniń týystary málim etti.
Eske sala keteıik, keshe saǵat 15.30-darda teńiz jaǵalaýyndaǵy saxna mańynan jasy 70-ten asqan Baqyt Hısmetova joǵalyp ketken bolatyn.
Quqyq qorǵaý organdary men eriktiler izdestirý jumystaryn júrgizgen edi.
Týystary áleýmettik jelige jarııalap, ájeni kórgen adamdar bolsa, dereý xabarlasýyn surady. Nátıjesinde meshit janynda ájeıdi baıqaǵandar týysqandaryna habar bergen.
Týystarynyń aıtýynsha, áje úıine oralǵan, onyń jaǵdaıy jaqsy eken.
