Aqtaýda joǵalyp ketken áıeldiń denesi tabyldy

AQTAÝ. QazAqparat - Aqtaýda 18 qyrkúıek kúni jumysynan shyǵyp ketip, oralmaǵan áıeldiń denesi tabyldy, dep habarlaıdy QazAqparat tilshisi.

MO Polıtsııa departamenti baspasóz qyzmetiniń habarlaýynsha, kúdikti ustalǵan. Qazir er adam ýaqytsha qamaý ızolıatorynda. Ol óz qylmysyn moıyndaǵan.

Eske sala keteıik, Alıma Kýlchıkova 18 qyrkúıek kúni jumysqa ketip, úıine oralmaǵan. Anasy ony izdep, qyzynyń joǵalǵany týraly ótinish jazǵan. Osydan soń adam joǵalǵany týraly qylmystyq is qozǵalyp, sotqa deıingi tergeýdiń biryńǵaı tizilimine engizilgen.

19 qyrkúıek kúni jedel izdeý sharalaryn júrgizý barysynda 1980 jyly týǵan áıeldiń denesin tabady. Anyqtaı kele, onyń Alıma Kýlchıkova ekeni dáleldendi.

Keshke qylmysker óz kinásin moıyndap, túsinik bergen.

«Kúdiktiniń aıtýy boıynsha, 18 qyrkúıek kúni, saǵat 15.00 shamasynda 33-shaǵynaýdanda ornalasqan »Dına« sýpermarketiniń janynda kóliginde áıeldi tunshyqtyryp óltirgen. Denesin biraz ýaqyt ótkesin, jolǵa tastap ketken»,-delingen habarlamada.

Atalǵan fakt boıynsha, QR Qylmystyq kodeksiniń 99-baby (adam óltirý) boıynsha is qozǵalǵan.