Aqtaýda joǵalyp ketken 14 jasar qyz tabyldy

AQTAÝ. QazAqparat - Aqtaýda 9 shilde kúni jattyǵýdan shyqqan soń úıine oralmaǵan Kamılla Lıan tabyldy, dep xabarlaıdy QazAqparat tilshisi.

Týystary qyzdyń qalaı jáne qaıdan tabylǵany týraly aqparat taratqan joq. Tek áleýmettik jelide jazba qaldyrdy.

«Kómek qolyn sozǵandaryńyz úshin raxmet. Barlyq qala turǵyndary beıjaı qaramady»,-delingen xabarlamada.

Keıin apasy jasóspirimniń jaǵdaıy týraly aıtty.

«Kamıllanyń jaǵdaıy jaqsy, onymen psıxologtar jumys istedi. Ol dos qyzynyń úıinde túnep shyqqan»,-dep xabar berdi.

14 jastaǵy qala turǵynynyń aman-esen úıge oralǵanyn polıtsııa departamentiniń baspasóz qyzmeti rastady.

Eske sala keteıik, 2005 jyly týǵan Kamıllaǵa izdeý salynǵanyn jazǵan edik.