Aqtaýda joǵalǵan qyz Túrkistannan tabyldy
AQTAÝ. QazAqparat - Osydan 2 kún buryn joǵalyp ketken Qyrmyzy Enepııaeva Túrkistan qalasynan tabyldy, dep xabarlaıdy QazAqparat tilshisi MO ІІD baspasóz qyzmetine silteme jasap.
Qyrmyzy Enepııaeva Túrkistan qalasynda tanysynyń úıinde bolǵan.
«MO ІІD krımınaldyq bólim qyzmetkerleri jedel izdestirý jumystaryn júrgizdi. Azamatshanyń uıaly telefon nómiri tekserildi. Sońǵy ret kimmen sóılesti, qashan sóılesti. Nátıjesinde Túrkistan qalasyna ketkeni anyqtaldy. Ol din-aman», - dedi departament ókilderi.
Qyrmyzy Enepııaeva buryn poıyzda jolserik bolyp qyzmet etken. Ol Túrkistanǵa poıyzben ketken. Qyrmyzynyń eshkimge eskertpeı ol jaqqa ne úshin ketkeni belgisiz.
Eske sala keteıik, Munaıly aýdanynyń turǵyny Qyrmyzy Enepııaevanyń iz-tússiz ketkeni týraly habarlaǵan bolatynbyz.
