Aqtaýda jylý jelisindegi apatqa qatysty qylmystyq is qozǵaldy

AQTAÝ. KAZINFORM – Aqtaýda 15-shaǵyn aýdanda jylý jelisi jarylyp, ystyq sý jınalǵan shuńqyrǵa 11 jastaǵy jetkinshek qulap, kúıip qalǵan edi.

Mańǵystaý oblystyq Polıtsııa departamenti baspasóz qyzmetiniń habarlaýynsha, atalǵan oqıǵaǵa kináliler anyqtalǵan.

- Osy oqıǵa boıynsha «Sapasyz qurylys» deregimen qylmystyq is qozǵaldy. Tergeý jalǵasyp jatyr. Kináliler anyqtaldy, - delingen habarlamada.

Al zardap shekken jasóspirim áli de aýrýhanada em alyp jatyr. Onyń eki sany men baltyryn ІІ-ІІІ dárejeli kúıik shalǵan. Dárigerler naýqastyń jaǵdaıy turaqtalǵanyn jetkizdi.

Buǵan deıin Aqtaýda jylý jelisinde bolǵan apat kesirinen jasóspirimniń kúıip qalǵanyn jazǵan bolatynbyz.