Aqtaýda jylý maýsymy merziminen buryn aıaqtalmaq
AQTAÝ. KAZINFORM — Aqtaý qalasynyń ákimdigi jylytý maýsymy 11 sáýirde aıaqtalatynyn habarlady.
Jylý berýdi merziminen buryn aıaqtaý turǵyndardyń ótinishi men qosa aýa temperatýrasynyń jyly bolýy áser etti. Osylaısha jylytý maýsymyna daıyndyq jáne ótkizý qaǵıdalary boıynsha, Aqtaýda kúntizbelik úsh kún ishinde tirkelgen ortasha táýliktik aýa temperatýrasynyń +8 gradýstan jáne odan joǵary bolýyna baılanysty jylytý maýsymyn toqtatý týraly sheshim qabyldandy.
— Qala boıynsha 2023-2024 jyldardaǵy jylytý maýsymynda 1760 aqaý anyqtalsa, bıylǵy kezeńde 1060 aqaý tirkeldi. ıAǵnı ótken jyldarmen salystyrǵanda bıyl 700 aqaýǵa tómen, — dedi Aqtaý qalalyq turǵyn úı-kommýnaldyq sharýashylyǵy bóliminiń basshysy Janbolat Jaqypov.
Aıta keteıik Aqtaý qalasynda jylý berýdi toqtatý kezeń-kezeńimen júrgiziledi.
Eske salaıyq 2024 jyly qala aýmaǵynda 11,4 shaqyrym jylý qubyry jańartylǵan edi. Bıyl da bul jumystar jalǵasady. Jylytý maýsymy aıaqtala salysymen qala aýmaǵynda 10 shaqyrymǵa jýyq jylý jelilerin aýystyrý josparlanǵan.
Buǵan deıin habarlanǵandaı, jylytý maýsymy bastalǵaly 132 qazaqstandyq órt pen ıisten qaza bolǵan.