Aqtaýda jylý berý bastaldy: ystyq sýdaǵy temir mólsheri artýy múmkin
ASTANA. KAZINFORM — 15 qazannan bastap Aqtaý qalasynda jylý berý kezeń-kezeńimen bastaldy. Osy kezeńde ystyq sýdyń sapasy ýaqytsha ózgerip, laılanýy nemese quramyndaǵy temir mólsheri artýy múmkin. Bul týraly «MAEK» JShS málim etti.
Kásiporynnyń málimetinshe, birinshi kezekte qaladaǵy áleýmettik nysandarǵa jylý beriledi.
— Bul jumys qala ákiminiń ókimine sáıkes júrgiziledi. Ekinshi kezeńde turǵyn úıler bekitilgen keste boıynsha jylý júıesine qosylady. Jylý berý júıesin iske qosý kezinde ystyq sýdyń jekelegen kórsetkishteri boıynsha sapasynyń ýaqytsha tómendeýi yqtımal, — delingen habarlamada.
Osyǵan baılanysty «MAEK» JShS jylý jelileriniń keri qubyrjoldaryna sýdy tazartýǵa arnalǵan magnıttik súzgiler ornatqan.
Kásiporyn ókilderi jylý berý júıesin iske qosý kezeńinde ystyq sý sapasynyń ýaqytsha ózgerýine túsinistikpen qaraýdy surady. Olardyń málimetinshe, sý súzgilerden ótken saıyn onyń sapasy jaqsarady.
Buǵan deıin habarlanǵandaı, Aqtaýda 2026–2027 jyldardaǵy jylytý maýsymyna daıyndyq jumystary qalaı júrgizilip jatqanyn jazǵanbyz.
