Aqtaýda jyl basynan beri 23 avtokólik órtengen

Aqtaýda jyl basynan beri 23 avtokólik órtengen. Temir tulparlardyń túrli sebeppen otqa oranýy tótenshelikterdi alańdatyp otyr, dep habarlaıdy Kazinform.

Aqtaý qalalyq tótenshe jaǵdaılar basqarmasynyń mamandary polıtsııa qyzmetkerlerimen birge qala kóshelerine shyǵyp, túsindirý jumystaryn júrgizip jatyr. 

«Jyl basynan beri 23 kólik órtendi. Osyǵan oraı kólik júrgizýshilerine qaýipsizdik talaptaryn saqtaýdy eskertip jatyrmyz. Kólikke otyrmas buryn, aldyn ala jaı-kúıin tekserse eken deımiz. Kóliktiń tehnıkalyq aqaýlaryn anyqtap, toq-symdary tuıyqtalyp qalǵan jaǵdaıda mashınada órt sóndirý quraldarynyń bolýy kerektigin aıtyp jatyrmyz», — dedi Aqtaý qalalyq tótenshe jaǵdaılar basqarmasynyń bas mamany Qaısar Nurmanov. Indıra Satenbaı.