Aqtaýda jetkinshek jartastan qulap ketti
AQTAÝ. KAZINFORM – Aqtaýda jetkinshek 3-4 metr bıiktiktegi jartas soqpaǵynan qulap ketti.
Tótenshe jaǵdaılar departamenti baspasóz qyzmetiniń habarlaýynsha, oqıǵa 4 A shaǵyn aýdandaǵy teńiz jaǵalaýynda ornalasqan qonaq úıdiń qasynda bolǵan.
«Shaqyrtý kúndiz saǵat 11-31 de tústi. 2012 jyly týǵan jasóspirim «Kaspıan Rıvera» qonaq úıiniń artyndaǵy jartastan qulaǵan. Biz polıtsııa qyzmetkerlerimen birge zardap shekken jetkinshekti zembilmen kóterip, jedel járdem kóligine jetkizdik», - deıdi qutqarýshylar.
Dárigerlerdiń aıtýynsha, balanyń jaǵdaıy turaqty. Qazir travmatologııa bóliminde em alyp jatyr.
«Jedel járdem brıgadasy oqıǵa ornyna tez jetip, jetkinshekti Mańǵystaý oblystyq balalar aýrýhanasyna jetkizdi. Mıdyń kompıýterlik tomografııasyn jasadyq. Jasóspirimge mıdyń jabyq jaraqaty, mıdyń shaıqalýy dıagnozy qoıyldy. Naýqas baqylaýda», - deıdi Densaýlyq saqtaý basqarmasynyń baspasóz hatshysy.
