Aqtaýda Jeńis kúninde soǵys ardagerlerine 1,5 mln teńge beriledi

AQTAÝ. KAZINFORM - Aqtaýda Jeńis kúnine oraı soǵys ardagerleri 1,5 mıllıon teńge qarjy alady.

Qala ákimdiginiń baspasóz qyzmetiniń málimetinshe, qazirgi ýaqytta oblys ortalyǵynda eki soǵys ardageri bar.

Olardyń biri ekinshi dúnıejúzilik soǵysy ardagerleri Olga Zarıvnıak. Maıdanger 1941-1945 jyldar aralyǵynda Belarýs aýmaǵyndaǵy partızan otrıadynda baılanysshy bolyp qyzmet atqarǵan. Soǵys ardageri mańyzdy aqparat jiberýmen qatar jaralanǵan sarbazdarǵa kómek kórsetýge septigin tıgizgen.

Soǵys ardageri Vasılıı Salazkın Qıyr Shyǵys maıdanynyń quramynda erlik kórsetip, kishi serjant shenine deıin kóterilgen. Ol maıdannyń aýyrtpalyǵyna qaramastan soǵystan keıin el ıgiligine qyzmet etken jaýynger.

«Jeńildikter boıynsha soǵys ardagerlerine teńestirilgen múgedektigi bar 25 adam 60 AEK (221 520 teńge) alady. Al soǵys ardagerlerine teńestirilgen 76 azamat 50 AEK (184 600 teńge) alady. Qalada 286 tyl eńbekkerleri, qaza tapqan áskerı qyzmetshilerdiń otbasylary, soǵysta múgedek bolyp qalǵan jandardyń jubaılary bar. Olar 9 mamyrǵa deıin 40 AEK (147 680 teńge) tólem alady», - dedi Aqtaý qalalyq jumyspen qamtý jáne áleýmettik baǵdarlamalar bóliminiń basshysy Gúlnar Haırlıeva.

Sonymen qatar, jergilikti bıýdjet qarajatynan Aqtaý qalasyndaǵy Uly Otan soǵysy ardagerlerine mynadaı qyzmetter tegin kórsetiletinin atady. Olar:

-kommýnaldyq qyzmetter úshin aqshalaı ótemaqy;
-sanatorııalyq-kýrorttyq emdeý qyzmetteri;
-qalalyq jolaýshylar kóliginde jeńildikpen jol júrý.