Aqtaýda «Jeńis» saıabaǵyn jańǵyrtýǵa 356 mln teńge bólingen
AQTAÝ. QazAqparat - Aqtaýda "Jeńis" saıabaǵyn jańǵyrtý jumystary júrip jatyr. Bul maqsatta sheteldik ınvestorlar 356 mln. teńge bólgen, - dep xabarlaıdy QazAqparat tilshisi.
Saıabaqty jańǵyrtý jumystary aıasynda 10100 sharshy metr jerge jańa jaıaý júrginshi joly tóseledi. Máńgilik alaý memorıalynan bastap ushaq maketine deıingi aýmaqqa oryndyqtar men xalyq demalýǵa yńǵaıly oryndar jasalady. Sonymen birge qoqys jáshikteri ornatylady.
«Joba quny 356 mln teńgeni qurap otyr. Jóndeý jumystary qarasha aıynda aıaqtalady», - deıdi merdiger mekeme ókilderi. Jumyspen aınalysatyn - "Nursát" JShS.
Sondaı-aq, jaıaý júrginshiler joly tóselip, erekshe úlgidegi kóshe shamdary qoıylady. Qalalyq TÚKSh bóliminiń basshysy Qaırat Aqybaevtyń aıtýynsha, kúzge qaraı bul aýmaq adam tanymastaı ózgeredi.
