Aqtaýda jemqorlyqqa qarsy mádenıetti qalyptastyrý taqyrybynda onlaın-trenıng ótti
«Zoom» platformasy arqyly ótken sharaǵa úkimettik emes uıymdardyń jáne buqaralyq aqparat quraldarynyń ókilderi qatysty.
Sharanyń maqsaty – 2015-2025 jyldarǵa arnalǵan sybaılas jemqorlyqqa qarsy strategııaǵa sáıkes, sybaılas jemqorlyqtyń kez kelgen kórinisterine «nóldik» tózimdilik atmosferasyn qurý arqyly qoǵamdy jemqorlyqqa qarsy qozǵalysqa tartý jáne onyń eldegi deńgeıin tómendetý.
Onlaın trenıng úsh baǵyt boıynsha ótti. Saıası jáne qoǵam qaıratkeri Záýresh Battalova, Memlekettik basqarýdaǵy jobalyq menedjmentti damytý ortalyǵynyń jetekshisi Arman Evnıev, QR Sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentiniń asa mańyzdy ister jónindegi ofıtseri Naýryz Borsanov ınteraktıvti karta, jobalyq menedjment, sybaılas jemqorlyqqa qarsy saıasat taqyrybynda baıandama jasady.