Aqtaýda jemis-jıdekti temekige aıyrbastady
AQTAÝ. QazAqparat - «Aqtaý dıalogy» qoǵamdyq qory Búkilálemdik arterııalyq gıpertonııamen kúres kúnine oraı «Júregińdi aıala!» aktsııasyn ótkizdi.
Qala turǵyndary shara barysynda uıymdastyrylǵan sporttyq jarystarǵa qatysyp, túrli jemis-jıdekterdi utyp alýǵa múmkindik aldy. Sondaı-aq, qordyń eriktileri jemis-jıdekterdi temeki aıyrbastady.
Álemniń 1,5 mln. adamy arterııalyq qan qysymynyń artýynan zardap shegip keledi, al ár jyl saıyn 7 mln. adam osy dertten qaza tabady. Bunyń negizgi qozdyrýshylary - tabak ónimderi, ýaqtyly tamaqtanbaý, qımyl-qozǵalystyń az bolýy jáne artyq salmaq.
«Aktsııany uıymdastyrý barysynda bizdi qoldaýshylar kóp boldy. Onyń ishinde kásipkerler de, qalalyq emhana basshylary da, tekserý júrgizýshi dárigerler de bar. Jemis-jıdekterdi alý úshin nebary 3-5 shylymnan bas tartý jetkilikti boldy», deıdi «Aqtaý dıalogy» qoǵamdyq qorynyń dırektory Oral Qurbanova.
