Aqtaýda «Jaıly mektep» jobasy aıasynda salynǵan úsh mekteptiń qurylysy aıaqtaldy

AQTAÝ. KAZINFORM – Aqtaýda «Jaıly mektep» ulttyq jobasy aıasynda 33, 17 jáne 19 shaǵyn aýdandaǵy mektepterdiń qurylysy aıaqtaldy. Endi nysandardy paıdalanýǵa berý boıynsha jumystar júrgizilýde.

33 jáne 19 shaǵyn aýdandaǵy mektepterdiń árqaısysy 1200 oryndyq.

Al 17 shaǵyn aýdandaǵy mektep 900 oqýshyǵa shaqtalǵan. Aqtaý qalasynyń ákimi Ábilqaıyr Baıpaqovtyń aıtýynsha, merdiger kompanııalar nysandardy ýaqytynda jáne sapaly túrde tapsyrýǵa mindetti. 

- Bul QR Prezıdentiniń tapsyrmasyna sáıkes «Jaıly mektep» ulttyq jobasy aıasynda salynǵan mektepter. Merdiger kompanııa nysandrdy ýaqytyly jáne sapaly túrde tapsyrýy qajet. Jańa mektepterdiń basshylyǵy merdiger kompanııamen tyǵyz baılanysta jumys isteýi kerek. Jylýmen qamtý, qajetti qural-jabdyqtarmen qamtý máselesin qadaǵalap, merdiger kompanııa qyzmetkerleri mektepte jumys isteıtin mamandarǵa barlyǵyn úıretip ketkeni jón. Sondaı-aq, jaýapty bólimderge atalǵan mektepterdiń mańynda kólik turaǵyn jáne jaıaý júrginshiler jolyn uıymdastyrýdy tapsyryldy, - deıdi Aqtaý qalasynyń ákimi Ábilqaıyr Baıpaqov.

Buǵan deıin, Astanada 24 mektep ashylǵanyn, onyń 16-sy – jaıly mektep jobasy aıasynda sanylǵanyn jazǵan bolatynbyz.