Aqtaýda jaıaý júrginshini kólik qaǵyp ketti
AQTAÝ. QazAqparat – Aqtaýda meshit ǵımaratyna qarama-qarsy 26-shy yqshamaýdanda jol-kólik oqıǵasy boldy. Bul týraly Mańǵystaý oblysy polıtsııa departamentiniń baspasóz qyzmeti málim etti, dep habarlaıdy QazAqparat Lada.kz saıtyna silteme jasap.
Jol apaty 23 qańtarda shamamen 20:55-te bolǵan. Meshit ǵımaratyna qarama-qarsy 26 jáne 27 yqshamaýdandar arasyndaǵy jolda jaıaý júrginshini kólik qaǵyp ketken.
— Toyota RAV4 avtokóliginiń júrgizýshisi rettelmegen jaıaý júrginshiler ótkelinde joldan ótip bara jatqan adamdy qaǵyp ketti. Polıtsııa qyzmetkerleri júrgizýshige qatysty QR «Ákimshilik quqyq buzýshylyq týraly» kodeksiniń 610-baby boıynsha ákimshilik hattama toltyrdy, — dep habarlady baspasóz qyzmeti.
Zardap shekken adam Mańǵystaý oblystyq aýrýhanasyna jetkizildi. Onyń jaǵdaıy týraly ázirge aqparat joq.
Avtokólik aıyppul turaǵyna jiberildi.
