Aqtaýda jaýyn quıyp, kóshelerdi sý basty
ASTANA. KAZINFORM — Aqtaýda jańbyr sýyn tazartý jumystary qarqyndy júrgizilip jatyr, dep habarlaıdy qalalyq ákimdiktiń baspasóz qyzmeti.
Aqtaý qalasynda kommýnaldyq sala qyzmetkerleri avtomobıl joldarynda jınalǵan jańbyr sýyn soryp alý jumystaryn uıymdastyrdy.
— Osy ýaqytqa deıin 13-35, 13-44, 13-24, 14 «Astana» SO, 14-33, 14-34, 14-46, 22-6, 22-9, 26-27, 26-29, 9-22, 5-39 jáne 12-67 shaǵyn aýdandarynda sý sorý jumystary atqaryldy. Bul jumystarǵa 5 assenızator, 10 motopompa jáne 25 qyzmetker jumyldyryldy. Jańbyr sýyn alý jumystary aldaǵy ýaqytta úzdiksiz jalǵasady, — delingen Aqtaý qalasy ákimdiginiń baspasóz habarlamasynda.
Vedomstvo málimetinshe, qazirge deıin qala aýmaǵyndaǵy avtomobıl joldarynan 400 m³ sý soryldy.
Budan buryn Aqtaýda «QazAzotqa» atmosferany lastaǵany úshin 8,5 mln teńgege aıyppul salynǵanyn jazǵan edik.