Aqtaýda jattyǵý kezinde 23 jastaǵy sportshy qaza tapty

AQTAÝ. QazAqparat – 23 jastaǵy aqtaýlyq jigit qoıan-qoltyq kúresten jattyǵý kezinde kóz jumdy, dep habarlaıdy QazAqparat tilshisi.

Mańǵystaý oblystyq densaýlyq saqtaý basqarmasy baspasóz qyzmetiniń habarlaýynsha, oqys jaǵdaı 11 jeltoqsan kúni bolǵan.

«11 jeltoqsan kúni keshki 20.56 shamasynda jedel járdem qyzmetine shaqyrtý keldi. Dereý brıgada jiberildi. Alaıda, ol dárigerler jetkenshe kóz jumǵan. Sol jerde bolǵandardyń aıtýynsha, marqum keýdege tıgen soqqydan keıin qulap qalypty» delingen habarlamada.

Al, oblystyq polıtsııa departamenti baspasóz qyzmetiniń habarlaýynsha, atalǵan derek negizinde QR Qylmystyq kodeksiniń 1-baby boıynsha is qozǵalǵan. Barlyq qajetti saraptama taǵaıyndaldy.