Aqtaýda jasyryn oıynhanalar áshkerelendi
Nátıjesinde, eki jarym myńnan astam oıyn jabdyqtary tárkilengen. Bul týraly oblystyq ekonomıkalyq tergeý departamenti málimdedi. Oıyn bıznesin zańsyz uıymdastyrý faktileri boıynsha 22 qylmystyq is qozǵalǵan. Bul ótken jylmen salystyrǵanda 55 paıyzǵa artyq. Mamandar tek maýsym aıynyń ózinde zańsyz oıyn bıznesine qatysty 9 qylmysty anyqtaǵan.
«Sottyń sheshimimen, ádilet jáne ekologııa departamentterimen birlesip 490 kompıýterlik tehnıka, oıyn avtomattary joıyldy. Zańsyz oıyn klýbtary men kazıno qyzmetin anyqtaý jáne olardyń jolyn kesý boıynsha is-sharalar jalǵasa beredi. Bul másele Qarjy mınıstrliginiń Qarjy monıtorıngi komıteti tóraǵasynyń turaqty baqylaýynda. Eger siz zańsyz oıyn bıznesi týraly aqparat biletin bolsańyz nemese kórseńiz departamenttiń kezekshi bólimine habarlasýyńyzdy suraımyz»,-deıdi MO ekonomıkalyq tergeý departamentiniń basqarma basshysy Azamat Ahmetov.