Aqtaýda jastardyń jappaı tóbelesi: Polıtsııa málimeti

AQTAÝ. QazAqparat - Áleýmettik jelide Aqtaýda jappaı tóbeles uıymdastyrǵan jastardyń vıdeosy tarady, dep habarlaıdy QazAqparat tilshisi.

Mańǵystaý oblystyq Polıtsııa departamenti atalǵan vıdeoǵa qatysty aqparat taratty. Vedomstvonyń baspasóz qyzmetiniń málimetinshe, oqıǵa 13 qazanda bolǵan. Sol kúni saǵat 23:38 shamasynda «102» kezekshi pýltine 27 jáne 28-shaǵynaýdandar aralyǵynda tóbeles bolyp jatqany týraly shaqyrý tústi. Mańǵystaý oblystyq aýrýhanasyna eshkim dene jaraqatymen júginbegen.

«Qazirgi ýaqytta atalǵan fakti boıynsha Aqtaý qalalyq polıtsııa basqarmasy tekserý júrgizýde. Barlyq beınebaqylaý kameralary tekserilip, tulǵalardy anyqtaý jumystary júrip jatyr»,- delingen baspasóz habarlamasynda.

Vıdeo: Lada.kz