Aqtaýda jasóspirimderdiń tóbelesi vıdeoǵa túsip qaldy
AQTAÝ. QazAqparat – Aqtaýda jasóspirimderdiń tóbelesi áleýmettik jelilerde tarap ketti, dep habarlaıdy QazAqparat tilshisi.
Kýágerlerdiń aıtýynsha, oqıǵa keshe saǵat 16:00 shamasynda Aqtaý qalasynda 12-shaǵynaýdandaǵy 22-inshi úıdiń janynda bolǵan. Tóbeles kezinde oq atylǵandaı dybys shyqqan. Osy kezde jasóspirimderdiń bir bóligi qashyp ketse, qalǵandary tóbelesti jalǵastyra bergen. Degenmen, Mańǵystaý oblysy Polıtsııa departamenti baspasóz qyzmetiniń taratqan málimetinshe, tóbeles kezinde sýyq qarý paıdalanylmaǵan.
«Oqıǵa ornyna Aqtaý qalalyq polıtsııa basqarmasynyń qyzmetkerleri bardy. Oq atylmaǵan. Tóbeleske qatysýshylardyń kimder ekeni anyqtaldy. Jasóspirimdermen jáne olardyń ata-analarymen profılaktıkalyq áńgime júrgizildi. Materıal Aqtaý qalasy ákimdigi janyndaǵy kámeletke tolmaǵandardyń quqyǵyn qorǵaý komıssııasyna joldanady. Bul tóbeles týraly qońyraý 102 nómirine kelip túsken joq. Sondaı-aq medıtsınalyq kómek alý jóninde eshkim habarlaspaǵan», - delingen PD habarlamasynda.
