Aqtaýda jasóspirimder jol ortasyna ádeıi otyryp alyp, keptelis týdyrǵan

AQTAÝ. QazAqparat – Aqtaýda jol boıyna otyryp alyp, kólik keptelisin týdyrǵan jastardyń kim ekeni anyqtaldy, dep habarlaıdy QazAqparat tilshisi.

Kúni keshe áleýmettik jelide jasóspirim jigit pen qyzdyń joldan ótip bara jatyp, asfaltqa otyra qalǵan vıdeosy júktelgen bolatyn. Júrgizýshiler joldan ketýin talap etip dabyl bergenin olar elep-eskerer emes. Sol mezette oqıǵa ornyna kelgen Polıtseıler buzaqylardy tappaǵan.

Vıdeony zertteı kele, 5 qarasha kúni keshki ýaqytta kámeletke tolmaǵan jigit pen qyzdyń kim ekenderi anyqtaldy. Áleýmettik jelide tanymal bolý úshin jasóspirimder osyndaı qadamǵa barǵan. Olardyń ata-analary jaýapqa tartylyp, Ákimshilik quqyq buzýshylyq týraly kodeksiniń 434-baby («Usaq buzaqylyq») boıynsha ákimshilik hattama toltyryldy.