Aqtaýda jasóspirim ákesiniń kóligimen 6 jasar balany qaǵyp ketti
AQTAÝ. QazAqparat - 17 jastaǵy jasóspirim ákesiniń kóligimen úıdiń aýlasynda oınap júrgen 6 jasar balany qaǵyp ketti, dep habarlaıdy QazAqparat tumba.kz saıtyna silteme jasap.
Oqıǵa qalanyń 27-shaǵynaýdanynda 85-inshi úıge qarama-qarsy jolda bolǵan. Toyota Camry kóliginiń júrgizýshisi úıiniń mańaıynda oınap júrgen balany basyp ketken.
Kinálini izdep tabý polıtsııaǵa esh qıyndyq týdyrmady. Ol oqıǵa bolǵan 27-shaǵynaýdanda turatyn jáne tek qyrkúıek aıynda 18 jasqa tolatyn jasóspirim bolyp shyqty. Ata-anasynyń kózinshe tekseris sharalary júrgizildi.
Zardap shekken bala jilinshik súıeginiń jabyq synyq jaraqatyn alǵan. Ol aýrýhanaǵa jetkizildi.
