Aqtaýda jas fýtbolshylardy irikteý júrip jatyr
ASTANA. QazAqparat - Aqtaý qalasynda sporttyq daıyndyǵy bar 2006-2010 jyly týǵan uldardy irikteý bastaldy. Bul týraly «Namys» fýtbol klýbynyń dırektory Ánýarbek Apbasov aıtty, dep habarlaıdy Lada.kz.
Sársenbek Qoshkeldiuly Keljanov atyndaǵy «Namys» FK-nyń arnaıy toptaryna irikteý 10-11 qarashada ótedi. Jas fýtbolshylardy daıyndaý júıesin Sársenbek Keljanov jasaǵan. Jattyqtyrýshy - Asqar Keljanov.
Aıta keteıik, Asqar Keljanovtyń qol astyndaǵy «Namys-2008» FK 28 qazan-4 qarasha aralyǵynda Almatyda ótken halyqaralyq týrnırde 16 komandanyń arasynda ekinshi oryn ıelengen. Fýtbolshylar aqtyq márede «Qaırat-2007» FK-dan 0:2 esebimen jeńilip qaldy.
«Arnaıy synyp qyrkúıekte ashyldy, bizdiń balalar qazirdiń ózinde bedeldi týrnırde ekinshi oryn aldy. Kóptegen fýtbolshylardy Aqshuqyr men Qyzyltóbeden taptyq. Balalardyń ósýine múmkindik berý úshin aýdandardaǵy sportty damytýymyz kerek. Olar jeńiske jetken kezde maǵan kúsh beredi», - dep bólisti Ánýarbek Apbasov.
Arnaıy synyptaǵy jattyǵý 11:00-de bastalyp, 12:30-da aıaqtalady. Keıin jas fýtbolshylar ashanada tamaqtanyp, oqýǵa barady. Jattyǵýlar tegin júrgiziledi.
«Bizge keıbir ata-analar kómektesedi. Balalardyń taksıin, jattyǵýlary men tamaǵyn óz qaltamnan tóleımin. Úlken jetistikterge jetetinimizge senimdimin. Biraq jarystarǵa barý úshin balalarǵa demeýshiler qajet», - dep atap ótti ol. 
