Aqtaýda jarylys bolyp, eki adam qaza tapty
AQTAÝ.QazAqparat - Aqtaýda metall qabyldaıtyn baza aýmaǵynda jarylys boldy, dep habarlaıdy «QazAqparat» HAA tilshisi QR ІІM Tótenshe jaǵdaılar komıtetine silteme jasap.
«11 jeltoqsanda Aqtaý qalasyndaǵy 2-inshi ónerkásip aımaǵynda ornalasqan metall qabyldaý bazasynda belgisiz zat jarylǵan. Saldarynan 5 adam zardap shegip, olardyń ekeýi oqıǵa ornynda qaza tapty.
Bul jerdi polıtseıler qorshaýǵa aldy. Oqıǵa ornynda ІІD «Arlan» arnaıy bólimshesiniń 3 qyzmetkeri men 1 tehnıkasy jáne Mańǵystaý oblysy TJD-iniń 9 adamy men 2 tehnıkasy jumys isteýde.
«Arlan» qyzmetkerleri jarylys ornynan 11 dana oqytý snarıadtaryn tapty»,- dep habarlady QR ІІM Tótenshe jaǵdaılar komıtetiniń baspasóz qyzmeti.
Vedomostvonyń atap ótýinshe, aldyn ala boljam boıynsha jarylys snarıadty detonatsııalaý kezinde bolǵan.
